ninneDege baruvaaga

ಭಗವಂತನ ಪ್ರೀತಿಗೆ ಪಾತ್ರನಾಗಿ ತನ್ನನು ತಾನೇ ಅವನಲ್ಲಿ ಅರ್ಪಿಸಿಕೊಳ್ಳಲು ಕಾತರವಾಗಿರುವ ಜೀವವೊಂದರ ಹೃದಯದ ಮಾತುಗಳು ಕವಿಯ ಕಲ್ಪನೆಯ ಮಾತುಗಳಲ್ಲಿ ಹೊರಬಂದಿರುವುದು ಇಂತು:

ನಿನ್ನೆಡೆಗೆ ಬರುವಾಗ, ಸಿಂಗರದ ಹೊರೆಯೀಕೆ;

ಸಡಗರದ ಮಾತುಗಳ ಬಿಂಕವೇಕೆ;

ನಿನ್ನ ಮುಂದಿರುವಾಗ ಮಂತ್ರಗಳ ಮರೆಯೇಕೆ;

ಸಂಪ್ರದಾಯದ ಮರುಳ ಲಜ್ಜೆಯೇಕೆ ;

ನೇಪುರದ ಗೆಜ್ಜೆಗಳ ಕಿಂಕಿಣಿಯ ದನಿ;

ನಿನ್ನ ಸವಿಗೊರಳಿನಿಂಚರವ ಕೆಡಿಸದಿರಲಿ;

ಮಂತ್ರಗಳ ಜವನಿಕೆಯು ದೊರೆ ನಿನ್ನ;

ಸಿರಿ ಮೈಯ್ಯ ಸೌಂದರ್ಯವನು ಮುಪ್ಪುಗಯ್ಯದಿರಲಿ;

ನಗ್ನತೆಗೆ ನಾಚದೆಯೆ ಸಿರಿ ತಳಿರ ತೆಕ್ಕೆಯಿಂ;

ಮೂಡಿ ಸುಗ್ಗಿಯನುಲಿವ ಹೂವಿನಂತೆ;

ಸಿಂಗರದ ಹೊರೆಯುಳಿದು; ಮಂತ್ರಗಳ ಮೊರೆಯುಳಿದು;

ಪ್ರೇಮದಾರತಿ ಹಿಡಿದು ತೇಲಿ ಬಂದೆ.

- ರಚನೆ: ಕುವೆಂಪು